Khosha wo din harm e pak ki fizaon main tha

خوشا وہ دن حرم پاک کی فضائوں میں تھا
زباں خموش تھی دل محو التجائوں میں تھا

در کرم پہ صدا دےرہا تھا اشکوں سے
جو ملتزم پہ کھڑےتھے، میں ان گداوں میں تھا

غلاف خانہ کعبہ تھا میرےہاتھوں میں
خدا سےعرض و گزارش کی انتہاوں میں تھا

حطیم میں مرےسجدوں کی کیفیت تھی عجب
جبیں زمین پہ تھی ذہن کہکشاوں میں تھا

طواف کرتا تھا پروانہ وار کعبےکا
جہانِ ارض و سما جیسےمیرےپاوں میں تھا

دھڑک رہا ہےمرےساز روح پر اب بھی
وہ ایک نغمہ جو ”لبیک“ کی صدائوں میں تھا

مجھےیقین ہےمیں پھر بلایا جائوں گا
کہ یہ سوال بھی شامل میری دعاوں میں تھا