Friday, 20 July 2012

Wazu ka Farz

Wazu ka Farz

There are 4 farz of wazu, 11 sunnah. Total information about wazu and namaz read in Urdu, Hindi and English. About farz, naqiz, sunnah of wazu is described in detail. Read in Roman Urdu.

Farz | Sunnat | Mustahab | Mustahjat | Makruhat |Naqiz Wazu:
Wazu ke Faraiz:
Wazu mein char farz hain
1. Peshani ke baalon se le kar thori ke niche tak aur donon kanon ki lo tak munh dhona
2. Dono hath kehniyon sameit dhona.
3. Chothai sar ka masah karna.
4. Dono payon takhnon sameit dhona.

Wazu ki Sunnatein:

1. Niyat karna.
2. Shoro mein bismillah parhna.
3. Pehle teen bar dono hath kalayi tak dhona
4. Phir teen bar kulli karna
5. Maswak karna,
6. Phir teen bar naak mein pani dalna.
7. Teen bar chehrah dhona.
8. Sare sar ka aur kanon ka masah karna.
9. Darhi aur ungliyon ka khalal karna.
10. Lagatar is tarah dhona keh pehla azu khushk nah hone paye aur dusra azu dhul jaye.
11. Tarteeb war dhona keh pehle munh dhoye phir kehniyon sameit hath dhoye phir sar ka masah kare phir payon dhoye.

Mustahjat-e-Wazu:
1. Qiblah rukh hokar baithna.
2. Mal kar dhona.
3. Dahini taraf se shoro karna.
4. Bacha hua pani khre ho kar pina.
5. Dusre se madad na lena.
6. Mustahab ke choot jane se wazu to ho jata hai magar mustahab ka jo sawab hai woh nahi milta aur mustahab ka darjah sunnat se kam hai.

Makruhat Wazu:
1. Napaak jagah wazu karna.
2. Sidhe hath se naak saaf karna.
3. Pani ziadah bahana.
4. Wazu karte waqt dunya ki batein karna.
5. Khelaf sunnat wazu karna.
6. Zor se chapke marna.

Naqiz Wazu:
In cheezon se wazu tut jata hai.
1. Pakhanah ya peeshab karna ya hawa kharij hona.
2. Khoon ya peep nikal kar beh jana.
3. Munh bhar qai hona.
4. Teek laga kar ya leit kar sona.
5. Nesha mein mast ya be hosh ho jana.
6. Ruku sijdah wali namaz mein qahqaha mar kar hansna.

0 comments:

Post a Comment

Related Posts Plugin for WordPress, Blogger...